बिबेकशिल सझा रास्वपामा आज बिलय हुँदै
काठमाडौं - विवेकशील साझा पार्टी आज राष्ट्रिय स्वतन्त्र पार्टीमा विलय हुने भएको छ। आज दिउँसो २ बजे राष्ट्रिय सभागृहमा एक घोषणासभाको कार्यक्रम मार्फत आज बिलय हुने कार्यक्रम छ।
असल शासन र समुन्नतिको निम्ति विवेकशील साझा पार्टीले रास्वपाको नाम, नेतृत्व र चुनाव चिह्न स्वीकार गरी निःसर्त रास्वपामा बिलयहुन लागेको श्रोतको दाबि छ।
२०७० सालमा गठन भएको विवेकशील नेपाली र साझा पार्टीबिच एकीकरणपछि पार्टीको नाम ‘विवेकशील साझा पार्टी’ बनेको थियो। एकता अगाडि विवेकशीलका अध्यक्ष उज्वल थापा र साझा पार्टीका संयोजक रवीन्द्र मिश्रको संयुक्त नेतृत्व थियो। हाल थापाको मृत्यु भइसकेको छ भने मिश्र राप्रपामा प्रवेश गरेका छन्।
अहिले विवेकशील साझा पार्टीको अध्यक्ष समीक्षा बास्कोटा र महासचिव रञ्जु दर्शना छन्। एकताका लागि रास्वपाले उपसभापति डा. स्वर्णिम वाग्ले र विवेकशील साझाले उपाध्यक्ष प्रकाशचन्द्र परियारको नेतृत्वमा उच्चस्तरीय संवाद समिति बनाएको थियो।