✍️नातिबाबु भट्ट, कोलोराडो, अमेरीका।रकी माउन्टेण्ड फ्रेन्डस अफ नेपालको आयोजनामा कोलोराडोमा सत्रौं RMFN माईल हाई गल्फ प्रतियोगीता आईतबार सम्पन्न भयो ।
कोलोराडो स्थित थ्रोन्टन शहरमा सम्पन्न खेलमा १० टिमको सहभागीता रहेको थियो । महिला र पुरुषहरुको छुट्टा छुट्टै टिम बनाएर गराईएको प्रतिस्पर्धामा नेपाली र स्थानीय अमेरीकी गरी ४० जना खेलाडीहरुको सहभागीता रहेको थियो ।
यसरी संचालन भएको खेलमा पुरुष तर्फ प्रथम द्धितीय र तृतिय हुनेमा क्रमश रिजुल कार्कि, सुचित शर्मा, पेम्वा रहेका छन् । त्यसैगरी महिला तर्फ श्रेया, रीहाना र ईभाले क्रमश प्रथम,द्धितीय र तृतिय भइ नगद तथा ट्रफी हात पार्न सफल भएका छन् ।
शुदेश शर्माको संयोजन तथा Allstate को प्रायोजनमा सम्पन्न खेल आईतबार बिहान १० बजेदेखी साझ ५ बजे सम्म संचालन भएको रकी माउन्टेण्ड फ्रेन्डस अफ नेपालका अध्यक्ष टिका पौडेलले बताएका छन् ।
बिजयी खेलाडीहरुलाई रकी माउन्टेण्ड फ्रेन्डस अफ नेपालका अध्यक्ष टिका पौडेल र Allstate का सुनिल पाठकले संयूक्त रुपमा नगद तथा ट्रफी प्रदान गरी सम्मान गरेका थिए ।