✍️हाम्रो आवाज न्यूज,कोलोराडो अमेरिका । अमेरिकाको कोलोराडो राज्यमा लोकल कोदोको रक्सी यही उत्पादन गरेर स्थानिय रक्सी पसल र नेपाली रेस्टुरेण्डहरुमा बजार ब्यावस्थापन गरिएकोछ ।
चार जना युवाहरुको सहकार्यमा उत्पादन गरिएको रक्सी यति बेला कोलोराडोको बिभिन्न रक्सी पसल र रेस्टुरेण्डहरुमा माग बढिरहेकोछ । पासाङ शेर्पा, समिप श्रेष्ठ, नेट ब्राउन, हाइमे रोमेरो
को संयुक्त पहलमा तिन बर्षको अध्ययन पछी बजार ब्यावस्थापन गरिएको हो ।
हाम्रो आवाज संगको छोटो कुराकानीमा पासाङ शेर्पाको अनुसार कोलोराडो मै उत्पादन भएको स्थानिय कोदोको बाट रक्सी उत्पादन गरिएको हो ।अमेरिकामा मदिरा सम्बन्धित कानुन हरेक राज्यमा फ़रक-फरक हुने भएकाले अन्य राज्यमा बितरण गर्न कानुनी कागज गरेर सबै राज्यमा पुर्याउने शेर्पाले बताए ।