घरमा आगलागी हुँदा पाल्पामा नाै महिने शिशुकाे ज्यान गएकाे छ । निस्दी गाउँपालिका–३ क्यामरुङका श्यामबहादुर पल्लीको घरमा आगलागी हुँदा जलेर नाै महिने शिशुकाे ज्यान गएको हो ।
आज शनिवार दिउँसो शिशुलाई घरमा सुताएर नजिकैको बारीमा काम गर्न गएको बेला आगलागी भएको जिल्ला प्रहरी कार्यालय पाल्पाले जनाएको छ । गोठमा गाईवस्तुलाई कुडो पकाउन सल्काएको आगोले घर जलेकाे हाे ।
एक तले कच्चीघर र गोठमा सल्किएको आगोले गोठमा रहेका भैँसी र बाख्रासमेत जलेर मरेका प्रहरीले जनाएकाे छ ।