काठमाण्डौ - नेपालमा गत २४ घण्टामा २६ सय २२ जना कोरोनाभाइरस सङ्क्रमित थपिएका छन्। विभिन्न मितिमा सेनाले शव व्यवस्थापन गरेको २३ जनाको मृत्यु भएको स्वास्थ्य तथा जनसङ्ख्या मन्त्रालयले जनाएको छ।
नेपालमा कुल कोभिड सङ्क्रमितको सङ्ख्या ६ लाख नाघेको छ भने मृत्यु हुनेको सङ्ख्या ९२ सय भन्दा बढी छ। केही दिन यता सङ्क्रमितहरूको सङ्ख्या घटेको छ। तर परीक्षण पनि घटाइएको छ।
पछिल्लो २४ घण्टामा लगभग ७५०० को पीसीआर विधिबाट र ४ हजार भन्दा केही बढीको एन्टिजन विधिबाट परीक्षण गरिएको जनाइएको छ।