जीवन खत्री, सउल, जेठ १९
गत २३ तारेख देखि याँहाको एक चर्चित अनलाइन सपिंङ 'कुपाङ' बाट सामुहिक संक्रमण फैलिन थालेपछि दक्षिण कोरिया सरकारले पुन: सार्वजनिक स्थलहरूमा जान तथा सभा सम्मेलन बन्द गर्ने निर्णय गरेको छ । कुपाङबाट फैलिएको सामुहिक संक्रमणबाट हाल सम्म १५७ बढी संक्रमित भैसकेका छन् भने उनीहरूसंग सम्पर्कमा आएका ३६ सय भन्दा धेरैको स्वास्थ्य परिक्षण गरिएको छ ।
राजधानी सउलफ इन्छन तथा ख्याङ्गिदोमा रहेका संग्रालय, पार्क, थिएटर, ब्युटी पार्लर, रात्रि क्लब, आर्ट ग्यालरी लगायत मान्छेहरू भीडभाड हुने ठाउँमा दुई हप्ताका लागि बन्द गरिएको छ । त्यस्तै जुन १४ सम्मको लागि सभा ,सम्मेलन तथा सार्वजनिक रुपमा हुने कार्यक्रमहरु पनि बन्द गर्ने निर्णय गरेको छ । अवस्था हेरेर उक्त समय समेत लम्ब्याउन सक्ने स्वास्थ्य मन्त्रालयले बताएको छ l
कोरिया रोग तथा नियन्त्रण केन्द्रका अनुसार हाल सम्म कुल संक्रमितको संख्या ११ हजार ४ सय ६८ छ भने निको हुनेको संख्या १० हजार ४ सय ५ पुगेको छ । त्यसैगरी मृत्यु हुनेको संख्या २ सय ७० छ ।