सन्जिब कोयी, मकाउ - मकाउका चर्चित “मकाउ सर्भेन्ट एसोसिएशन” (एटीएफपीएम) मकाउद्वारा नया वर्ष तथा मेरी क्रिसमसको पूर्व सन्ध्यामा आयोजित एक विशेष कार्यक्रममा “एटीएफपीएम) को अध्यक्ष रिता सान्तोसाले नेपाली समुदायका अग्रज तथा समाजसेवी सुदर्शन थापा मगरलाई सम्मान गरेको छ।
सम्मानित थापा मगर गैरआवासीय नेपाली संघ मकाउका दुई कार्यकाल अध्यक्ष, हाल नेपाल चेम्बर अफ कमर्शका मकाउका अध्यक्ष, नेपाली सहयोगी हातहरु मकाउका अध्यक्ष, मगर संघ मकाउका संरक्षक साथै विभिन्न संध संस्थाका नेतृत्व गरिरहनु भएका नेपाली समुदायका अग्रज तथा समाजसेवी व्यक्तित्व हुन्।
आयोजित कार्यक्रममा नेपाली सहयोगी हातहरु, मकाउका अध्यक्ष समेत रहेका थापा मगरको नेतृत्वमा नेपाली साँस्कृत नृत्य समेत प्रदर्शन गरिएको थियो। कलाकार सुशिला राई, विष्णु थापा, संगीता खनाल र सुनीता अधिकारीले नेपाली मौलिक भेषभूषामा सांस्कृतिक नृत्य प्रस्तुत गरेका थिए । नेपाली मौलिक भेषभूषामा सुसज्जित कलाकारहरुको नृत्यले कार्यक्रमको रौनक उपस्थित सहभागीहरुको मन खिचेको थियो।
मकाउका विधान सभाका माननीय जोस मारिया पेरियरा कौटिन्होलाई अध्यक्ष थापा मगरले नेपाली समुदायको तर्फबाट नेपाली ढाका टोपी ओढाएर सम्मान व्यक्त गर्नु भएको थियो। उनी मकाउका कुशल राजनीतिज्ञ साथै पोर्तुगाली समुदायका परामर्शदाता, न्यायशात्री, मकाउ सिभिल सर्भेन्ट्स एसोसिएशनका पूर्व अध्यक्ष र लोकतन्त्र समर्थक पार्टी न्यू होपका अध्यक्ष र सन २००५ सालदेखि मकाउका विधान सभाका निरन्तर उपसभापति रहेका छन् ।
आयोजित कार्यक्रममा नेपाली समुदायको तर्फबाट नेपाली मौलिक नृत्य प्रस्तुत गरेका कलाकार बहिनीहरुलाई समाजसेवी थापा मगरले हृदयदेखि आभार प्रकट गरेका छन् । आफ्नो व्यास्त समयको खातिर आयोजित कार्यक्रममा नेपालीहरुको साँस्कृतिक नाच प्रस्तुत गरेर आफ्नो पहिचान दिएको खण्डमा धन्याबाद दिएका हुन् ।
