मकाउदेखि नेपाली महावाणिज्य दूतावास हङकङमा ७८ जनाको आवेदन, आवेदन आज अन्तिम दिन

मकाउ । मकाउमा कार्यरत नेपालीहरु मध्ये ७८ जना नेपालीहरुले स्वदेश जानको लागि नेपाली महावाणिज्य दूतावास हङकङमा आवेदन दिएका छन् । एनआरएन मकाउले, एनआरएन अन्तराष्ट्रिय समन्वय परिषद वैदेशिक रोजगार राहतकोष समितिका सदस्य सुदर्शन थापा मगरलाई समन्वय गर्न संयोजक दिएको छ। नेपाल फर्कनका लागि आवेदन आह्वान गरेको अन्तिम दिन आज (२० जुन) समेत तोकेको छ ।

विश्वभर महामारीको रुपमा फैलिएको कोभिड-१९ कारण मकाउमा रहेका नेपाली सुरक्षित रहेता पनि मकाउ सरकारले लामो समय एयरपोर्ट र अध्यागमनमा कडाई गरेका हुनाले मकाउका अन्तराष्ट्रीय विमानस्थलमा कार्यरत नेपालीहरुको भिसा नवीकरण नहुदा, अन्य कम्पनिहरुदेखि राजीनामा दिएका, केही धरेलुकामदार र केही गर्भवती महिला समेत रहेका ७८ जना नेपालीहरुले स्वदेश जानका लागि हङकङ कन्सुलरमा आवेदन दिएका छन् । आवेदनका समयावधि जून २० तारीख मध्य रात सम्म रहेको एनआरएन मकाउले जानकारी दिएको छ ।

मकाउदेखि नेपाल फर्कने नेपालीहरुले नेपाल सरकारले तोकेका क्वारेन्टाइनमा १४ दिन अनिवार्य बस्नु पर्ने छ । मकाउमा रहेका मकाउका सरकारी अस्पतालले प्रमाणित गरेको कोभिड-१९ संक्रमित छैन भनेर पुष्टि गरेका स्वास्थ्य प्रमाणपत्र अनिवार्य साथमा लिएर जानु पर्ने हुन्छ । नेपाल फर्कने श्रमिकहरुको टिकट खर्च भने यहाँ स्थित सम्बन्धित कम्पनीद्वारा भुक्तानी हुनेछ । नेपाल फर्किन  हवाई टिकटको समस्या भएकाहरुले संधमा आवेदन दिएमा संधले आवश्यक सहयोग गर्ने पनि जानकारी दिएको छ ।  हवाई टिकटको लागि हारभेस्ट मुन एजेन्सी रहेको समेत सुदर्शन थापा मगरले जानकारी दिएको हो ।

नेपाली सहयोगी हातहरु, मकाउले नेपाल फर्कने नेपालीहरुका लागि विभिन्न खाधन्न सामाग्री जस्ता आधारभूत दैनिक उपभोग्य सामाग्रीका लागि सहजिकरण गरेको थियो ।अव नेपाल जान लागेका नेपालीहरुलाई स्वास्थ्य सामग्री सर्जिकल माक्स साथै सेनिटाइजर पनि मकाउ फेरीमा वितरण गर्ने नेपाली सहयोगी हातहरु, मकाउका अध्यक्ष समेत रहेका सुदर्शन थापा मगरले जानकारी दिएका हुन ।

संयोजक सुदर्शन थापा मगरले सबै नेपाली र व्यक्तिगत तर्फबाट म आफैले मकाउका सबै प्रतिष्ठित कम्पनीहरुलाई यस महामारीको अवधिमा कुनै पनि नेपालीलाई बर्खास्त नगर्न अनुरोध समेत गरेका छन । मकाउमा हाल सम्म ४ हजार ५ सय २२ जना नेपालीहरुले काम गरिरहेका छन् ।