गजल

उस्को परान गएन सजिलोसंग ।
तिमी आइपुग्यौ कति ढिलोसंग ।

हिलोमै हुर्किएर कमल भएको हु
मलाइ प्रेम छ यहिको हिलोसंग ।

तिमि नै भनिदेउ तिमिलाइ बिर्सन
के खाउ यो आँसुको नुनिलोसंग ।

मिल्न नजान्ने हामी मान्छे मात्रै हो
गुलियो पनि मिल्छ अमिलोसंग ।

धोकाको अध्यारोमा राख्नु रहेछ
हिजो प्रेम देखेकैहो चहकिलोसंग ।

यो बूढो आँखामा पनि अतितको
फोटोहरु आउदैछन धमिलोसंग ।

काटिएको पत्तै पाएन यो मनले
उस्को याद आयो धारिलोसंग ।

✍️ संगीता थापा
मकवानपुर हाल-काठमाण्डौ ।