✍️शंकर पन्त ,अमेरिका । धेरै लामो एतिहास देखी न्यायिक समानता, शान्ती स्थायित्व र सम्ब्रिद्दीको आशामा ब्यग्र प्रतिक्षारत नेपाली राजनीति, झन्डै सात दशक भन्दा बढी लामो कम्युनिस्ट बिचार र आदर्शको संघर्शले बाँडेका सपनाहरुलाई बिगतको दुई ठुला कम्युनिस्ट पार्टी एकताले आशा जगाइदियो ! एकताका तमाम प्रकृयाहरुलाई मिच्दै हतारो ढंगले निश्चित ब्यक्तिहरुको अगुवाइमा एकता सम्पन्न भए पनि नेत्रित्व प्रतिको विश्वाश र भबिस्यको राजनीतिक स्थायित्व,न्यायिक समानता,शान्ती र सम्ब्रिद्दीको भरोशा र चाहनाका कारण कसैले बिरोध गरेनन । फलस्वरुप बिगत निर्वाचनमा एतिहासिक रुपमा बाम्पन्थीहरुको झन्डै दुइतिहाइको सरकार बन्यो । स्वयम बाम्पन्थी राजनेताहरुले नै घोशित बाचाहरु पुरा गरिने ,देशमा कायापलट हुने र अब कम्तिमा 50 बर्ष कम्युनिस्ट कै राज हुने ऊद्द्घोश गरे ।
बिडम्बना संसारका कुनैपनी देशको बिकास र सम्ब्रिद्दी गफ र भाषन ले मात्रै भएको छैन र हुँदैन त्यसकालागी सोही अनुरुपको दृष्टिकोण अनी देश र जनता प्रती स्वक्ष भाव चाहिन्छ । शुरुका दिनमा अब केही हुन्छकी जस्तो देखिए पनि एकताको कम्जोर धरातल र निहित स्वार्थमा आधारित इगोका कारण नेत्रित्व फेरिपनी टकरावमा फस्यो ! सरकार र पार्टी दुबैको नेत्रित्व केपी ओलीले गर्नुभएकोले यस्को समाधान पनि उहाँले नै गर्नु पर्थ्यो तर त्यस्तो हुन सकेन । झन उल्टै पार्टी बिभाजन गर्न अद्द्यादेश ल्याउने र अरुको पार्टी समेत बिभाजन गर्न लाग्ने काम गर्नु भयो। त्यसले टकराव अरु बढायो ! इगो र टकराव बड्दै जाँदा प्रधानमन्त्री ओली यहाँ सम्म पुग्नु भो कि “म नभए अरु कोही पनि छैन”! बलात सम्सद बिघटन गर्नु भयो ! उहाँ बाहेक सबै पार्टीहरु र आम नागरिक समेत त्यसको बिरुद्दमा भएपछी सम्सद पुनर्स्थापना त भयो तर त्यो भन्दा खतरा षड्यन्त्र गरी उहाँ आफैले गर्नु भएको एतिहासिक एकतालाई भात्काएर सर्बोच्च अदालत मार्फत कुनै माग दाबी नै नगरिएको बिषयमा एमाले र माओवादी केन्द्रको पुनर्जन्म गराउन लगाउनु भयो ! यो नै नेपालको एतिहासमा न्याय र बाम्पन्थी राजनीतिको कालो दिन हो !
आस्चर्य :-
न्यायालयले पार्टी एकिक्रित भएर, निर्वाचन सम्पन्न भएर, सरकार गठन गरेर दुई बर्ष भन्दा बढी सरकार सन्चालन गरेर,परिस्थितिले उपनिर्वाचन समेत सम्पन गरी सकेपछी उनिहरुको आन्तरिक बिबादका कारण एतिहास भएका पार्टीहरुलाई आ आफ्नो पार्टीमा जाउ भन्छ ! त्यसलाई एकता तोड्न नचाहेका पक्षले पनि खुरु खुरु मान्छन ! यदी त्यो गलत थियो भने निर्वाचन आयोगले किन स्विक्रित गर्यो ? अहिले माग दाबी नभएको बिषयमा समेत निर्णय गर्ने सर्बोच्चले सरकार गठन हुँदा के हेरेको थियो ? अब यदी राजाबादीहरुले राज संस्था हटाउनु नियम संगत छैन पुनर्स्थापना गरी पाउँ भने भने राज संस्था फर्काउने ? त्यस्तै कसैले पञ्चायत फर्काउने रिट गर्यो अनी पञ्चायत फर्काउने ? यि सबै भस्मासुर शसकका घिनलाग्दा षड्यन्त्रहरु हुन ! यि अदालत का नियम संगत सामान्य निर्णय होइनन !
केपी ओली :-
नेपालको राजनीतिक एतिहासमा र बाम्पन्थी राजनीतिमा केपी ओली निकै चर्चित नाम हो उहाले त्याग र योगदान पनि गर्नुभएको छ ! र त्यसको प्रतिफल राज्यबाट प्राप्त पनि गर्नुभएको छ ।
बास्तममा, जनताको बहुदलीय जनबाद, समाजवाद अर्थात कम्युनिस्ट दर्शनमा “म “होइन “हामी”भन्ने हुन्छ । त्यो कुरा स्वम मार्क्स र एंगेलले आफ्नो व्याबहारिक जीबनमा समेत प्रयोग गर्नुभएको थियो । मैले केपी ओलिको जीबनमा हामी देखेको छैन उहाले आफ्नो कुरा जबर्जस्त लागु गर्नुहुन्छ र सबथोक मै हुँ भन्नुहुन्छ त्यो एउटा कम्युनिस्ट सदस्य ले भन्ने र गर्ने कुरा होइन । साँच्चै भन्ने हो भने महाकाली सन्धि देखी अहिले सम्म उहाले नगर्ने काम धेरै गर्नु भएकोछ ! पछिल्लो सन्दर्भलाई हेर्ने हो भने पनि दल बिभाजन गर्ने अद्यादेश ल्याउनु भो गलत साबित भयो फिर्ता भयो नेकपा छदै ९०० हुँदै १५०० सदस्यीय कमिटि बनाउनु भयो खोइ त्यो पनि कता छ ?असंबैधानिक र अलोकतान्त्रिक हिसाबले सम्सद बिघटन गर्नु भयो गलत साबित भयो त्यो पनि पुनर्स्थापना भयो ! उहाँ लाई निती बिधी केही चाहिदैन आफ्नो चाहना नै सबथोक हो ! उहामा कुनै नैतिकता र अनुशासन भए राजिनामा दिनु पर्थ्यो त्यसको बदला अदालतमा सत्ता र शक्तिको दुरुपयोग गरी बडो कुटिल ढंगले आफैले स्थापना गरेको नेकपा नै छप्काइदिनु भयो ! अब जब एमाले बिउत्याइयो फेरी उहाँ आफ्ना बिरोधि लाई पुरै बाहेस गरेर एमाले छप्काउदै हुनुहुन्छ ! उहाको गतिबिधीले कम्युनिस्ट आन्दोलनलाई नै धरासाही बनाएको छ । एतिहासमा उहाले कहिल्लै माँफ पाउनु हुन्न ! हो पार्टीमा अन्तर बिबाद भयो गल्ती र कमजोरिहरु अरुका पनि होलान तर त्यसको भार देश र जनतालाई बोकाउन मिल्छ ? एउटा असल नेताले त्यसको आन्तरिक समाधान गर्न सक्दैन ? के बिधी र बहुमत नमान्ने मान्छे बहुदलीय जनबादी हुन सक्छ ? के नैतिकता हराएको मान्छे कम्युनिस्ट पार्टीको नेता हुन सक्छ ?
अहिले केपी ओली एउटा असल राजनेता भएको भए देशमा आज बिहानीको उशाकिरण छाउनु पर्थ्यो, तर मुलुकको राजनीति एउटा अनपेक्षित तुवाँलोको मुस्लोमा मुर्छित भएकोछ ! बिकास सम्ब्रिद्दी र राजनीतिक स्थायित्व हुनु पर्थ्यो त्यो भएन अब मुलुक फेरी फोहोरी राजनीतिक खेल र अस्थिरतामा प्रबेश गरेकोछ ! यसको मुख्य दोशी प्रधानमन्त्री केपी ओली नै हो ।
बिद्द्मान नेपाली राजनीतिमा मैले देखेका कुराहरु :-
१- बिडम्बना कम्युनिस्ट आन्दोलनले बिगतको गलत कोर्स लिएको छ ( संघर्श गर्ने सत्तामा पुग्ने निरंकुश र तानाशाही
बन्ने अनी पतन हुने ) यसलाई द्रिडता पूर्वक रोक्नु पर्छ ।
२- अदालतको षड्यन्त्रमुलक गलत फैसलाको बिरुद्द नेकपा नै एकिक्रित रुपमा अभियानमा जानु पर्थ्यो ।
३- ओली प्रब्रितिलाई कायम राखेर गरिने हरेक एकता प्रयास थप घातक छन ।
४- सबै राजनेताहरु सैद्दान्तिक जगको निम्नतम नम्स अनुरुप सच्चिन जरुरी छ ।