निशुल्क आँखा शिविरमा १६ मोतिविन्दुका विरामीको शल्यक्रिया

सोलुखुम्बु – सोलुखुम्बुको नेलेमा जारी निशुल्क आँखा शिविरको दोस्रो दिन मंगलबार आज २१९ जनाले सेवा लिएका छन् ।

विपि कोईराला लायन्स नेत्र अध्ययन केन्द्र महाराजगन्ज, नेले विकास समाज र वडा भित्रका विभिन्न संघसंस्थाको सहकार्यमा सोमबारदेखि सुरु भएको शिविरमा आज २१४ जनाले आँखा जाँच गराएका छन् भने ५ जनाको मोतिविन्दुको शल्यक्रिया गरिएको छ ।

ग्रामिण क्षेत्रमा रहेका नागरिकलाई सहज उपचारका लागि निशुल्क शिविरको आयोजना गरिएको स्थानिय आयोजक नेले विकास समाज काठमाडौका अध्यक्ष रोसन थुलुङले बताए ।

शिविरमा सोमबार २१६ जनाले आँखा जाँच गराएका थिए । जस मध्ये ११ जनाको शल्यक्रिया गरिएको थियो । himalsamachar