काठमाण्डौ- जिल्ला प्रहरी परिसर काठमाडौंले १९ करोड ८१ लाख रुपैयाँभन्दा बढीको क्रिप्टो करेन्सी कारोबारमा एकजना पक्राउ परेका छन । गत बुधबार साँझको समयमा भद्रकाली नजिकै क्रिप्टोको कारोबार भइरहेको सुराकीपछि प्रहरी टोली त्यहाँ पुगेको थियो ।
बाराको कलैया नगरपालिका २० घर हाल काठमाडौं महानगर १५, डल्लु बस्ने वर्ष २३ को मोहम्मद सेफलाई प्रहरीले नियन्त्रणमा लिएपछि उक्त तथ्य फेला परेको हो । क्रिप्टो कारोबारमा प्रयोग भएको २ थान मोबाइलसहित नियन्त्रणमा लिएर प्रारम्भिक अनुसन्धान गरेपछि १९ करोड ८१ लाख ४९ हजार ५८१ रुपैयाँ बराबरको क्रिप्टो कारोबार फेला परेको थियो ।
प्रतिबन्धित क्रिप्टो मुद्राको प्रयोग गरेको कसूरमा काठमाडौं जिल्ला अदालतबाट पाँच दिनको म्याद थपेर थप अनुसन्धान अघि बढाइएको छ ।
जनआस्थाबाट साभार।