काठमाडौं / 'अग्रजलाई सम्मान नयाँलाई प्रोत्साहन' भन्ने मुल नारा सहित राष्ट्रिय लोक तथा दोहोरी गीत प्रतिष्ठान नेपाल, उपत्यका समन्वय समितीको आयोजनामा हुने “सातौ राष्ट्रिय लोक दोहोरी अवार्ड – २०७८” को आवेदन फाराम खुल्ला गरिएको छ ।
बिश्वब्यापी महामारीको रुपमा रहेको कोरोनाका कारण लकडाउन भएपछि अवार्ड कार्यक्रम स्थगित भएको र अवार्ड कार्यक्रमलाई पुनः सुचारु गरी निरन्तरता दिन खोजेको कुरा अध्यक्ष सुजन लम्सालले बताएका छन् ।
“सातौ राष्ट्रिय लोक दोहोरी अवार्ड – २०७८” को आवेदनको लागी बिभिन्न २५ वटा बिधाहरुमा फाराम भर्न पाईने छ । फाराम भर्ने अन्तिम मिति यही पुष २० गते सम्मका लागी खुल्ला गरिएको छ । अवार्डमा २०७६ बैसाख १ गते देखी २०७७ चैत्र मसान्त (दुई बर्ष) सम्मको गीतहरु समाबेश गरिने छ भने यस अवार्ड कार्यक्रम फागुन ६ गते सम्पन्न हुने कुरा आयोजक पक्षले जानकारी गराएको छ ।
फारम काठमाडौका बिभिन्न रेकर्डिङ स्टुडियो र उपत्यका समन्वय समितीको कार्यालय लाजिम्पाटमा पाईनेछ, त्यस्तै पोखराका लागी स्टार डिजिटल पोखरा मा उपलब्ध गराइएको छ । यस अवार्ड कार्यक्रम बारे थप जानकारी लिनको लागी ९८६३३९४१८३, ९८५११६८३८१ मा सिधै सम्पर्क गर्न सकिने छ ।