काठमाडौं । स्वास्थ्य वैज्ञानिकहरुको आठौं राष्ट्रिय सम्मेलन आज (आइतबार) देखि काठमाडौंमा सुरु भएको छ ।
चैत २९ गतेसम्म चल्ने सम्मेलनमा विभिन्न विषयमा गरिएका अनुसन्धानलाई जनता माझ लैजाने विषयमा छलफल हुने नेपाल स्वास्थ्य अनुसन्धान परिषदका सदस्य सचिव डा. प्रदिप ज्ञवालीले बताउनुभएकाे हाे ।
सदस्य सचिव ज्ञवालीले सरकारले अनुसन्धान संस्था विकास गर्ने, अनुसन्धानकर्ताहरुको वृत्ति विकास गरेर उनीहरुलाई अभ्यास गर्ने वातावरण मिलाउनुपर्ने बताउनुभएकाे छ ।
नेपाल स्वास्थ्य अनुसन्धान परिषदका सदस्य सचिवडा. प्रदिप ज्ञवालीले राज्यलाई सही रुपमा चाँडै परिवर्तन गर्नका लागि अनुसन्धानमा लगानी बढाउनुपर्ने बताउनुभयो ।