युवा राई होङकङ बेलायत सरकारले २०७ बर्ष अघिदेखि ब्रिटिश गोर्खाहरु नेपाली नागरिक माथि गर्दै आएको असमान एवं अमानवीय बिभेदबिरुद्ध गोर्खा सत्याग्रह संयुक्त संघर्ष समितिले निर्णायक आन्दोलन अख्तियार गरेको थियो समितिले अख्तियार गरेको निर्णायक आन्दोलन iआमरण अनशन का लागि र
सम्पूर्ण गोरखा समुदायको हक अधिकार साथै नेपालको स्वाभिमानको लागि आफ्नो अमूल्य जीवन बलिदान गर्ने तत्परतासहित आमरण अनशन मा सहभागी हाम्रा साहसी अभियन्ताहरु श्री ज्ञानराज राई, श्री धनबहादुर गुरुङ र श्रीमती पुष्पा राणा घलेको महान बिचार र त्यागको कदर एवं सम्मान गर्दै आर्थिक सहयोग प्राप्त भएको छ।
हङकङमा रहेका ब्रिटिश गोरखा परिबारका तर्फबाट नैतिक समर्थन गर्दै यथासक्दो आर्थिक योगदान गर्न रत्न खिम्दिङको सक्रियता एवं १० जीआरको संयोजकत्वमा बिभिन्न पल्टनका प्रतिनिधिहरुमार्फत हङकङबासी न्यायप्रेमी गोरखा दाजुभाइ दिदीबहिनीहरू बाटसंकलित जम्मा होङकङ डलर (४१,०३१ )गोर्खा सत्याग्रह संयुक्त संघर्ष समितिलाई टि टि मार्फत हस्तान्तरण गरिएको छ।
अभियानमा गोर्खा सत्याग्रह संयुक्त संघर्ष समिति हङकङकी संयोजक श्रीमती पुष्पा गुरुङ को समेत सहमति र सहभागिता रहेको थियो। त्यसैगरी लेप्टेन रिटायर्ड पदमबहादुर राई दश जि.आर) को पनि महत्वपूर्ण सल्लाह र सहयोग रहेको थियो।
यस निर्णायक आन्दोलनलाई आत्मसात गर्दै आर्थिक सहयोग गर्नुहुने हङकङबासी गोर्खा दाजुभाइ तथा दिदीबहिनी सहभागि भहि भूमिका निर्वाह गर्नुहुने रत्न खिम्दिङ दश जीआरलाई गोरखा सत्याग्रह संयुक्त संघर्ष समितिको तर्फबाट धन्यवाद ज्ञपन पनि दिएको छ
अन्त्यमा, हाम्रा तिन महान सत्याग्रहीहरुको साहस र गोर्खा सत्याग्रह संयुक्त संघर्ष समितिका अभियन्ताहरुको दृढ संकल्पले तीन दशक लामो आन्दोलन पश्चात नैतिक रुपमा ऐतिहासिक बिजय प्राप्त गरेका छौं।
यसकालागि हाम्रा महान सत्याग्रहीहरु र गोर्खा सत्याग्रह संयुक्त संघर्ष समितिप्रति यूके/ नेपालप्रति हङकङबासी गोर्खाहरुले ससम्मान आभार व्यक्त गरेका छन्। अब यसलाई बस्तुगत रुपमा कार्यान्वयन गराउने बिषयमा सत्याग्रहले विवेकपूर्ण कदम चाल्नेमा सबै गोर्खाहरु पूर्ण विश्वस्त रहेकाछन्।